Saturday, 31 May 2014

கனவுலகவாசி (பகுதி1)


*கனவுலகவாசி (பகுதி 1)

#சிவசங்கர்

வான வளாகத்தில்,
இரவுகள் மீட்டும்
யாழிசையில்,
மேகத்தின் மோகத்தில்
தள்ளாடியபடி,
ஒரு நடன தர்பாரில்
ஆடிக்கொண்டிருக்கும்,
ஆயிரங்கோடி
விண்மீன் காதலர்கள்!!!!!

நடுவே, நிலவெனும்
நவநாகரீக மன்னர்!!!!!

அழகின் ஒட்டு மொத்த 
உருக்கலாக நிலவு!

அதன் வெளிச்சத்தில்
கண்கொட்ட
விழித்திருந்த அந்த இரவில்,
உறங்கத் தொடங்கினேன்!

ஏதோ ஒரு அசந்யம்
தலையைக் கோத,
விழித்தெழுந்தேன்!!

பால்வழி அண்டத்தின்
இடையில்,
ஈர்ப்பு விசைகளின்றி
பறந்து கொண்டிருந்தேன்!!!
உறங்கப்போகும் முன்
இருந்த உடல் வலி
இப்போதில்லை!!!!

யாரோ ஒரு அழகி
என்னை நெருங்குகிறாள்!!
கொஞ்சம் நில்
யார் நீ??
நான் எங்கிருக்கிறேன்??

கனவுலகம் உங்களை
வரவேற்கிறது!
நீ கனவில் இருக்கிறாய்!!

அட,
கனவில் வரவேற்பாளர்கள்
கூட உண்டா??

இது உன் கனவுலகம்,
இங்கு நீ எதை வேண்டுமானாலும்
உருவாக்கிக்கொள்ளலாம்!!!

ஆனால்
சுவாரஸ்யம் வேண்டுமெனில்
கனவினை அதன் போக்கில்
விடுதல் அவசியம்!!!!

அப்போதுதான்
அதன் இயல்பான வண்ணம்
புலப்படும்!!

மனிதனின் அதிகாரத்திற்குக்
கட்டுப்படாத இரண்டே விடயங்கள்
கனவும் தூக்கமும்தான்!!!

சரி வா!!
கனவுலகைச் சுற்றிப்பார்க்கலாம்!

- கனவுலகில் பயணிப்போம்...

1 comment:

  1. இன்ற இதை வாசிக்கத் தொடங்குகிறேன்.
    இனிய வாழ்த்து.
    வேதா. இலங்காதிலகம்.

    ReplyDelete